C+ Burger (已結業)

食過好多次啦，睇住佢整，個心係覺得好食啲嘅。雖然要等大約10分鐘到。佢個薯條係粗薯條，其實都係來貨嗰啲呀，冇乜太大特別，嗰醬亦都係不過不失啦，不過附近真係好少賣Burger🍔🍔🍔嘅舖頭，而且佢個價錢係算平。西環真係好多呢類型嘅小店，佢鋪面好細，而且好3尖八角，坐的亦都唔舒服，不過亦都係佢造成佢個特色！出邊閒閒地食個burger set 都要過$100 ，佢呢度都只不過係60幾蚊仲有嘢飲，真係好平，而且再唔幫襯一啲小舖頭或者小店，好快就會比大財團壟斷，到時真係想食都冇得食，而且一定係捱貴㗎囉。