嘉嘉餐廳

營業中

休息中

好一碗咖喱牛肉醬煎雞扒飯其實我又唔係好食得出佢係咖喱牛肉醬喎，隔咗好一段時間，睇返張單，竟然係咖喱醬，我仲以為係台灣滷肉碎添。正如我所講，有圖，佢真係淋滿成碟飯都係肉碎汁，所以食落好濕，唔會好乾，係急速食午飯時，係非常好既做法。因為唔洗食兩啖就飲水。但點解要食得咁急呢？因為又係泊車既問題囉！之前泊係附近，過咗鐘少少，就 $320，真係好氣頂架嘛！但附近真係冇乜食店了，食完仲要得返好遠，仲要係大斜路攞返架車！都係講返個飯啦，個雞扒都唔錯，其實淨係肉碎都好開胃了，個雞扒夠入味，係唔花巧，一般荼餐廳都做得到既基本野。