千府·居食屋 (已結業)

而家食飯，打咭大過天😆加埋自己又鍾意食日本嘢尤其居酒屋，成日都想搵一間嘢食又好食又可以打咭嘅日本餐廳食飯，今日終於俾我搵到😆入到去，已經覺得裝修好靚、好和式，喺呢度叫咗：檸檬 cocktail同菠蘿 cocktail之前喺開飯啦，已經見過佢哋好多次，一直都好想叫。今日坐低就第一時間叫黎打下咭先😆再黎就叫咗啲鮮冬菇、鮮淮山仲有一個日式蕃茄豆腐沙律黎開胃，食材都好新，加埋個醬汁同個sauce係勁正！西班牙伊比利亞黑毛豬叉燒配半熟溫泉玉子 一見呢個fusion菜就覺得梗係要叫！個叉燒仲要係看鐘意嘅半肥瘦😋千府海の幸卷邊諗到一個卷物上面可以包含到咁多嘢！一個卷物上面就有齊晒海膽、軟殼蟹、吞拿魚蓉、三文魚子、牛油果，味道同賣相都兼備🤤明太子二重芝士玉子燒 - 明太子、芝士、玉子燒，佢哋加埋一齊真係冇得輸！叫咗啲炸物同燒物黎送酒，全部都好出色！炸豆池魚、日本天使蝦、日本黑豚肉腸 、日本雞腎 🍢呢間餐廳真係旺角區嘅高質居酒屋！下次再黎旺角，想食居酒屋真係不作他之選！