大門食堂 (已結業)

今日同朋友去左沙田行街街。行到餓去左食野。真係唔係講笑。完全唔明點解度度都咁多人。。。最後去左尼間食日本野。可能禾輋比較遠。所以都只係等左一陣就入得初頭望住餐牌都唔知揀咩好。因為好似好多野揀但其實又好似唔係好多野揀。我見隔離枱食魚好似好正咁。我就叫左一份鹽燒鯖魚定食，加5蚊有得轉紅米飯。朋友叫左滑蛋豬排飯。初頭覺得都幾好味呀啲魚。燒得幾脆。食落又唔覺話好多骨好鞋。我覺得食果陣幾香口。仲要有檸檬比你唧啲汁落去。一份定食52蚊有湯有豆腐又有飯。我覺得算ok。不過慘在我而家打尼篇食評時個喉嚨有啲乾。可能係有重重地味精。朋友個飯大大碗45蚊。都幾抵食。