夏雪 (已結業)

我發覺賣窩夫嘅食店愈嚟愈多，開完一間又一間，又無話邊間特別難食，要上位就要考下心思。堅尼地城嘅夏雪淨係賣窩夫，四種味包括原味、朱古力、抹茶同紫薯，我揀咗紫薯窩夫。窩夫做到外脆內鬆，入面夾咗好香嘅紫薯，就咁食已經ok！窩夫旁邊跟咗哈蜜瓜、蜂蜜、紫薯蓉、豆腐雪糕，同一包望落似安全套嘅焦糖脆脆。佢哋要讚係因為紫薯已經夠甜，所以其他嘢都唔會太甜，尤其係用豆腐雪糕，呢個加好多分！想再紫啲，叫埋杯紫薯latte，不過我覺得太over，襯杯伯爵茶好似好啲！