北方餃子源 (榮華商業大廈) (已結業)

今次係第二次來，上次食完後一直忘記寫食評，所以今次可以一次過總結。第一次去，因為各自叫咗個飯同麵，所以餃子都只係點咗水煮韭菜餃同埋煎餃各五隻。味道都唔錯，男友就鐘意羊肉餃多啲。第二次去叫咗十隻水煮白菜餃，大大隻、餡又多，認真唔錯。男友點嘅手撕雞飯，面頭嘅醬料好好味，好香。但發現佢其他好多菜式都有用一樣嘅醬料。第二次去點嘅五香牛𦟌菜飯，面頭都有一樣嘅醬料。蒜泥白肉都係⋯⋯不過有少少失望係，味道唔算正宗，而且因爲都係一樣醬料，所以唔覺得有咩特別。第一次叫嘅麻醬拌麵，雖然好多麻醬，但無咩味道，所以我要加啲豆瓣醬先算有啲咸味。但第二次食嘅四川擔擔麵反而唔錯。啲麵煮到啱啱好，唔會太軟，湯亦都唔錯。不過價錢方面，唔算特別經濟。雖然有好多口味嘅餃子，但唔俾雙拼，變相客人每次都只係可以食一至兩種口味。 如果可以再多啲自由配搭就好了。