影片
更多
2004-12-14
18 瀏覽
事緣上次去桃花源同坐o係身旁既蘇謙講起大家都未試過人人讚頌既港大校友會而麵包超人亦和議呢個聚會於是決定著手call人參加本來只預左一圍既聚會到最後都有成二十二人報名(雖然最後都只係得十八人出席)今日叫左好多出名既小菜：杏汁白肺湯．雲腿鴿片．炒倉魚球．欖肉炒蝦仁．古法鹽焗雞．菠蘿咕嚕肉．荷葉飯．雞茸鷓鴣粥．生炒糯米飯杏汁白肺湯～果然係名不虛傳，未入口已經聞到香氣撲鼻，有淡淡既鹹香，又見到面頭白白既湯汁，賣相己經好吸引！飲左一啖，即時覺得係物有所值。白白既湯汁好滑，有菜乾既鹹香，加上d豬肺煲得好淋又唔靭，紅棗亦香甜，果然係呢度既招牌湯水，下次一定要再飲過！雲腿鴿片～係伙計極力推介，雲腿甜甜地冇左一貫好鹹既感覺，眾食家都一致認為好味。但鴿片少左d，得幾件，而且炒時夾雜左d鴿皮，多番d鴿肉會更好，個人認為整體不錯，只係偏油左少少炒倉魚球～係幫主一早預訂既，但人少一定食唔晒，不過呢個真係好正，係今晚既必食推介！平時一般酒家都係以石斑起片或者球黎炒，今日都係第一次聽用倉魚起球炒，所以大家最初都以為係聽錯，到上檯時大家先可以相信。期待已久終於出場，魚片分為兩種，啖啖魚肉既只略略炸起，好滑又唔靭，好香
大家都未試過人人讚頌既港大校友會
而麵包超人亦和議呢個聚會
於是決定著手call人參加
本來只預左一圍既聚會
到最後都有成二十二人報名
(雖然最後都只係得十八人出席)
今日叫左好多出名既小菜：杏汁白肺湯．雲腿鴿片．炒倉魚球．欖肉炒蝦仁．古法鹽焗雞．菠蘿咕嚕肉．荷葉飯．雞茸鷓鴣粥．生炒糯米飯
杏汁白肺湯～果然係名不虛傳，未入口已經聞到香氣撲鼻，有淡淡既鹹香，又見到面頭白白既湯汁，賣相己經好吸引！飲左一啖，即時覺得係物有所值。白白既湯汁好滑，有菜乾既鹹香，加上d豬肺煲得好淋又唔靭，紅棗亦香甜，果然係呢度既招牌湯水，下次一定要再飲過！
雲腿鴿片～係伙計極力推介，雲腿甜甜地冇左一貫好鹹既感覺，眾食家都一致認為好味。但鴿片少左d，得幾件，而且炒時夾雜左d鴿皮，多番d鴿肉會更好，個人認為整體不錯，只係偏油左少少
炒倉魚球～係幫主一早預訂既，但人少一定食唔晒，不過呢個真係好正，係今晚既必食推介！平時一般酒家都係以石斑起片或者球黎炒，今日都係第一次聽用倉魚起球炒，所以大家最初都以為係聽錯，到上檯時大家先可以相信。期待已久終於出場，魚片分為兩種，啖啖魚肉既只略略炸起，好滑又唔靭，好香既魚味，而連有魚骨既魚肉就用左一層薄粉炸起，雖然有魚骨，但條條都可以輕易咬出，口感較淨魚肉更好，我仲同另一食家lazyqueen 講笑話如果KC o係度一定會話係送酒一流既食物，連伴碟既菜遠亦都都又軟又甜。因為呢碟太精彩喇，我地檯坐成十個人，而隔離檯只有八個人，所以食到尾時，見隔離仲有好多剩，我地仲出左招偷龍轉鳳添呀！
欖肉炒蝦仁～呢個比較差，蝦仁係好爽但係無味，似急凍蝦仁多d，一句講晒，唔得囉！
古法鹽焗雞～又係另一個要預訂既菜，幫主本來係訂炸子雞架，但今日聽伙記講先知炸子雞只係即叫，所以可能言語上誤會左，因禍得福先有機會欣賞由KC推介既古法鹽焗雞。呢味雞有別於平時食既鹽焗雞，顏色較深，但係d鹹香味唔係一般死實實咁，而D雞肉又十分嫩滑，好正呀！
菠蘿咕嚕肉～叫時伙記話會有紫薑架，但上檯時問多次個伙記，佢先話呢個時節無紫薑喎，搞到我同lazyqueen都好失望。好彩食落果然係皮脆肉嫩，但肥肉都幾多下，一件有一半係肥豬肉，幸好d汁酸甜味適中，菠蘿亦新鮮，配上酸甜汁都唔會太酸，整體都好好。
荷葉飯～又係要預訂架！每口都有好多配料，而d飯明顯係炒過再蒸，同臺有食家話太乾，但個人認為都ok喎，我都幾鍾意。不過比較上次佢地黎食時影o個張相，好似細隻左喎！
雞茸鷓鴣粥～睇個樣似雞茸粟米湯多d，幸好一上場已聞到好香既鷓鴣味，如果唔係既話我一定以為係上錯菜，以為係湯羮黎架。食落有一絲絲似雞肉既鷓鴣肉絲，粥底好棉，棉到唔覺食緊粥，加上滑滑既蛋白，再一次證明食家KC無介紹錯。
生炒糯米飯～上次去桃花源時有人話呢度更正，於是叫左一個試下，但食完好失望，麵包超人亦有同感，覺得都係桃花源好味d。無錯，呢度既料係多d，但整體d飯炒得比較多油而且無乜鹹味，較失色既一味。
雖然要每人220蚊一位，但整體而言，仍然係食得過，每味都叫人難忘，有一吃再吃既衝動，但人多食會較好，可以試多d唔同既菜。
花絮：共有四位食家無意中尋回佢地既至親，可喜可賀，令到今日既飯聚變成提早既做冬飯。
張貼
