影片
更多
2012-12-31
305 瀏覽
中午一個人唔知食乜好，行過見人唔多，加上「大利清湯腩」名氣大，所以入去睇下。一坐底，見到牛腩飯唔包野飲都要$50，覺得好貴，但係見到食客們都相當「士正」，於是即管一試。叫左最傳統清湯腩，好快有得食：一碟飯、一碗牛腩，一碗湯。牛腩咬落好好味，好香好焾、好juicy、沒有渣，一碗牛腩，不是只是面頭兩舊靚，而是舊舊都靚，筋同肉分配均勻，入味。湯層次都幾豐富，但就略咸，飲唔得多。一碟飯食得乾乾淨淨，再加五蚊叫杯凍豆漿。初初覺得50蚊貴，係同一般30幾蚊嘅牛腩飯比較，但係呢度，淨係牛腩嘅腩位同份量，再加上廚師手藝，就覺得其實好值：平平地食個牛扒都六七十蚊，全部都靚既牛腩位點只值單少？
一坐底，見到牛腩飯唔包野飲都要$50，覺得好貴，但係見到食客們都相當「士正」，於是即管一試。
叫左最傳統清湯腩，好快有得食：一碟飯、一碗牛腩，一碗湯。
牛腩咬落好好味，好香好焾、好juicy、沒有渣，一碗牛腩，不是只是面頭兩舊靚，而是舊舊都靚，筋同肉分配均勻，入味。
湯層次都幾豐富，但就略咸，飲唔得多。
一碟飯食得乾乾淨淨，再加五蚊叫杯凍豆漿。
初初覺得50蚊貴，係同一般30幾蚊嘅牛腩飯比較，但係呢度，淨係牛腩嘅腩位同份量，再加上廚師手藝，就覺得其實好值：平平地食個牛扒都六七十蚊，全部都靚既牛腩位點只值單少？
題外話/補充資料：
同老闆娘講：希望你地繼續做，因為未食過咁好食嘅牛腩。老闆娘話：呢度係總店，老闆親自主理。
原來係咁。
(以上食評乃用戶個人意見 , 並不代表OpenRice之觀點。)
張貼