陸陸雞煲火鍋 (已結業)

尋日突然好想去食雞煲，於是就打去陸陸訂位！公眾假期 7：30pm 仲有兩位booking，不過要個半鐘交枱！訂了7：30pm，老細 7：15pm 打來 confirm booking！好彩有聽電話！陸陸地方不算大，但算乾淨企理! 今次同朋友叫左個例牌中辣雞煲($128)! 另外也叫了個菜籃 ($68), 牛肉三併（＄208），百花釀油條 ($58), 響鈴 ($38) 和鴻福堂竹蔗茅根 ($15 x 3). 尼度無茶水提供，逼你叫野飲! 可樂個d 都要 $10 一罐, 不過黎打邊爐點會唔叫野飲阿!雞煲一上來，哇好香阿! 雞件都很嫩滑，味道也很好! 乾蔥和蒜的味道很濃，而且入面好多花椒! 陸陸雞煲都是真材實料，唔似有d 任食火鍋為左節省成本用d 化學調味，加一兩滴辣油令成個pot 都好辣! 食玩陸陸個雞煲都不會口乾!雞煲食得七七八八，服務員就問我地要加清湯定系辣湯，我地要左清湯! 不過加左清湯後雞煲的味變得好淡，最後問左服務員要左豉油，蔥，蒜，花生醬! 尼d 芥醬唔需要另外收費，值得一讚! 至於牛三併，手切肥牛好厚好嫩, 而美國肥牛也很嫩! 牛展就麻麻! 淥菜個陣 d 花椒痴住晒系d菜度