影片
更多
2013-07-04
172 瀏覽
呢間既雞煲暫時都仲係我既至愛!!!!其實係一次無意發現, 話說果日忽然好想食雞煲....但係又唔太想食而家愈黎愈唔好食既....XX棧~所以就上網四圍搵, 結果就響 OpenRice 搵到呢間小店!由於佢既食評唔多, 所以都係抱住驚驚既心情去試...第一次去食, 應該已經係上年年尾左右既事............不過因為果排實在太忙, 所以無寫到食評~呢次係第二次食, 亦都係第一次帶朋友仔去食!!因為食第一次之後, 就已經深深愛上咗, 所以都不停有介紹 / 帶朋友仔黎食~先講返野食, 每次黎都一定要食佢個雞煲!!!今次我+男友仔+朋友仔, 一行 3 人...照舊都係先 order 一個雞煲 (中辣)~肥牛滑牛然後今次仲叫左D小菜試...辣子蝦川北涼粉麻辣拍青瓜先講雞煲, 湯底濃而野味, 辣度夠, 呢間店選用既係大肥雞, 雞肉滑又大大件....雞件舊舊都入味, 唔會湯底還湯底, 雞件還雞件, 而且件件都唔會過淋, 有咬口~肥牛係普通貨仔, 不過都好新鮮, 鮮紅色既肉間住白色既油脂, 雖然唔係咩雪花貨, 不過都唔差...滑牛都係第一次試, 店家話係醃咗味既牛肉, 所以好奇一試....估唔到
其實係一次無意發現, 話說果日忽然好想食雞煲....
但係又唔太想食而家愈黎愈唔好食既....XX棧~
所以就上網四圍搵, 結果就響 OpenRice 搵到呢間小店!
由於佢既食評唔多, 所以都係抱住驚驚既心情去試...
第一次去食, 應該已經係上年年尾左右既事............
不過因為果排實在太忙, 所以無寫到食評~
呢次係第二次食, 亦都係第一次帶朋友仔去食!!
因為食第一次之後, 就已經深深愛上咗, 所以都不停有介紹 / 帶朋友仔黎食~
先講返野食, 每次黎都一定要食佢個雞煲!!!
今次我+男友仔+朋友仔, 一行 3 人...
照舊都係先 order 一個雞煲 (中辣)~
肥牛
滑牛
然後今次仲叫左D小菜試...辣子蝦
川北涼粉
麻辣拍青瓜
先講雞煲, 湯底濃而野味, 辣度夠, 呢間店選用既係大肥雞, 雞肉滑又大大件....雞件舊舊都入味, 唔會湯底還湯底, 雞件還雞件, 而且件件都唔會過淋, 有咬口~
肥牛係普通貨仔, 不過都好新鮮, 鮮紅色既肉間住白色既油脂, 雖然唔係咩雪花貨, 不過都唔差...
滑牛都係第一次試, 店家話係醃咗味既牛肉, 所以好奇一試....
估唔到, 又滑又好味, 可惜牛味就差咗D嚕~
辣子蝦, 其實只係小辣, 絕對唔係細蝦仔, 隻隻都炸得香口又脆身, 成隻連殼一齊食, 正!!!!
川北涼粉, 粗身滑滑既涼粉條, 冷冷的, 拌咗香料同辣椒油, 野味但又唔會太辣, 正!!!!
麻辣拍青瓜, 拌瓜個醬汁其實同川北涼粉果個差唔多, 青瓜新鮮爽脆唔會淋身, 清清甜甜之中又香口微辣, 正!!!!
******************************
一個星期之後, 我地..........又黎啦!!!!
今次帶咗另外 2 粒朋友仔黎食~
4 粒人, 都係一半邊爐, 一半小菜…
一個雞煲 (中辣)~
肥牛
滑牛
仲有…
干扁四季豆
干鍋肥腸
雞煲、肥牛、滑牛上面有講, 所以我就唔再提啦~干扁四季豆, 好香!! 一上枱就係好香既四川辣野食味, 聞落真係好吸引, 食落, 唔錯喎!! 香味夠之餘, 炒得都夠干身, 仲有香口既肉碎, 唔錯!!
干鍋肥腸, 哇! 鍋仔上枱, 一邊煮一邊食, 香味四飄!! 肥腸鍋好干身, 少少汁都無, 但係肥腸已經好夠味, 加上一路有個小火煮住, 令到肥腸夠熱之餘仲有微微既脆, 正呀!!!
真係好味道, 哈哈!!
我仲會返黎架~~~~~!!!
張貼
