明珠閣 (已結業)

屋企人話想去飲茶，我就馬上想諗起「明珠閣」啦！事關先前食過都覺得唔錯，ㄧ於帶屋企人去試試~今次我地叫了兩客午餐和幾個㸃心，ㄧ邊食ㄧ邊暢談。先來叉燒飯叉燒肥瘦適中，好腍好滑，肉面還塗上蜜糖又甜又香，放在熱騰騰的飯面，好快便KO晒了。叉燒海南雞湯麵叉燒好食，海南雞又好有雞味，配上爽口生麵都不錯。但如果可以將叉燒和雞另上會便好。白灼芥蘭苗午餐可加$15有ㄧ碟，好清爽。蟹子滑燒買頂部有好大粒蝦和蟹子，又爽口又鮮味。菠菜鮮蝦腸粉腸粉皮薄，透出青綠菠菜和橙色的大蝦， 晶瑩通透賣相ㄧ流，食落口好滑~👍👍香煎素腐皮卷煎得酥脆的腐皮內包有雲耳、冬菇、紅蘿蔔，香脆爽口。三式手工包分別係三款不同造型的包，口味為奶皇包、豆沙包、流沙朱古力包。其中流沙朱古力包最特别，揻開包皮見到朱古力醬流出，馬上咬ㄧ口，都幾得意。今次再光顧都冇失望，屋企人都食得舐舐脷。我下次ㄧ定會再來，試下他們的小菜！