影片
更多
2019-07-31
1000 瀏覽
今次有朋友介紹喺新蒲崗工廠區入面有間專門食丼飯既餐廳，而且口碑都唔錯，地點好方便，就係Mikiki商場對面🤗🤗即刻去試一試佢喇！餐廳叫叉燒丼家，餐廳入面既裝修係用凹突磚牆為主，再配合埋唔同既壁畫同皮革裝飾，係別有一番感覺既。餐牌係一張過既，都多野食選擇喔，有好多唔同既丼同小食等等選擇今次我就嗌左「叉燒丼飯」「蔥花炒蛋土司」「炸雞脾」「红豆冰」「熱檸水」「蔥花炒蛋土司」既炒蛋夾埋香蒽，夾埋好脆嘅麵包同牛油，成份土司真係好正，多重口感，令身為蛋控既我好滿意「叉燒丼飯」用左半肥瘦叉燒，食落去「軟林林」既瘦肉加埋少少肥膏，口感一流，加埋半熟既燶邊雙蛋，同份量充足既飯，真係好滿足呀「炸雞脾」夠哂熱，又大大隻啵無用到過量既炸粉，雞肉唔會好老，咬落去啖啖肉同肉汁自然咁流出黎，雞脾係值得叫既🤝🤝🤝「红豆冰」椰汁味重，紅豆量都多，喜歡甜既一定會喜歡朋友真係無介紹錯，滿足哂我叉燒同蛋呢兩個願望
餐廳叫叉燒丼家，餐廳入面既裝修係用凹突磚牆為主，再配合埋唔同既壁畫同皮革裝飾，係別有一番感覺既。
餐牌係一張過既，都多野食選擇喔，有好多唔同既丼同小食等等選擇
今次我就嗌左「叉燒丼飯」「蔥花炒蛋土司」「炸雞脾」「红豆冰」「熱檸水」
「蔥花炒蛋土司」既炒蛋夾埋香蒽，夾埋好脆嘅麵包同牛油，成份土司真係好正，多重口感，令身為蛋控既我好滿意
「叉燒丼飯」用左半肥瘦叉燒，食落去「軟林林」既瘦肉加埋少少肥膏，口感一流，加埋半熟既燶邊雙蛋，同份量充足既飯，真係好滿足呀
「炸雞脾」夠哂熱，又大大隻啵無用到過量既炸粉，雞肉唔會好老，咬落去啖啖肉同肉汁自然咁流出黎，雞脾係值得叫既🤝🤝🤝
「红豆冰」椰汁味重，紅豆量都多，喜歡甜既一定會喜歡
朋友真係無介紹錯，滿足哂我叉燒同蛋呢兩個願望
張貼
