再興燒臘飯店

營業中

休息中

前日晏晝，趁啲人未放飯就搶閘落再興食個快飯，唔駛等位，叫咗個燒肉肥叉飯，一罐可樂。等分半鐘，就有得食，呢啲咪就係效率囉，係嘅，賣相係唔靚仔嘅，燒肉係甩皮嘅，叉燒係切得唔齊嘅，但係加咗啲「好味汁」之後，擺到落口又係另一回事嚟。所謂嘅「好味汁」，老實講同其他燒味檔嘅汁我覺得係分別不大嘅，但係的確係唔加唔得，因為唔加，個飯會變得好難食。燒肉正常，偏少少燶，個人接受到嘅。叉燒中上，夠腍，夠味，係啲肉有少少柴。唔叫得上好好味，如果你可以抹走哂門口白色肥仔牌嘅記憶，響對佢冇任何期望嘅情況下去食，就接受得到囉。