風雲丸 (已結業)

之前同男朋友食過一次風雲丸，佢覺得驚為天人。今日元宵節，佢揀左再黎食多一次。佢揀左石燒豚骨魚介味玉沾麵特盛400g，沾麵湯汁勁濃厚，每條麵都可以掛到湯汁，好適合重口味人士。最好食係塊叉燒，厚切得黎好淋，入口即溶，係半肥瘦既叉燒，果然係慢煮十個鐘先會有既效果，好好食。味玉是係原隻蛋上，有流心效果，唔錯。我就要左咖哩豚骨魚介沾麵大盛300g，多左重咖哩味，見到咖哩粉係沾麵湯汁到，自己可以再撈勻佢。保持到高水準，值得一讚！