叉燒大王

營業中

休息中

好耐冇食過中菜，經過見到叉燒大王，就去試吓。好彩早去，見到人未算太多，唔駛等就有位坐，侍應好好人，一入去就已經問我地要咩茶，幾好招呼。既然叫叉燒大王，嚟到就叫咗份叉燒試吓，好快就上菜，見到叉燒唔乾身，有汁似啱啱燒起，食落熱辣辣，叉燒肥瘦適中，咬落都好有肉汁，令我有啲驚喜，因為平時係街市買嗰啲都好乾，第一次食啲咁有肉汁，配白飯食好滿足👍仲叫咗碟蜜薯牛仔粒，上菜時應該係啱啱炒起，見到出晒煙幾有鑊氣，而且薯仔咬落仲好熱，因為啱啱炒起食到有啲脆嘅感覺，用咗蜜糖黎炒甜甜地，配埋牛仔粒又幾好食，牛仔粒有咬口，唔韌，配飯又係唔錯。叫咗一碟海鮮，個人鍾意食貝類，叫咗蒜蓉粉絲蒸蟶子，每碟有五隻，每隻都佈滿着粉絲同蒜蓉，粉絲食到海鮮鮮味，欣賞粉絲數量唔會太少，夠蒜蓉可以釣到份鮮味出嚟，聖子都幾大隻，咬落啲肉好煙韌，但唔難咬開，最鍾意食蒸海鮮因為會食到海鮮本身嘅鮮味。呢餐晚餐夠滿足，而且三份食物都幾好食，下次會再嚟食吓其他菜式。