齒留香

營業中

休息中

經歷過上次嘅燒鵝得塊皮乳豬變燒肉嘅四寶飯，今次專心試真d個招牌叉燒同燒鵝，於是就叫左叉鵝飯。叉燒冇上次咁肥瘦適中，冇咁好食，始終叉燒唔會舊舊都靚同啱我心水，起碼冇超瘦都算係咁，但就算唔上No. 1,優點只係夠淋，冇特別香味，一般般咁樣，如果係帶住期望咁去試就多數會少少失望。燒鵝今次有肉食，yeah, 但就冇乜鵝油香味，肉都係夠淋，唔似好多其他地方肉會乾同韌，總合黎講都係不過不失，好多地方都會有更好嘅燒鵝(好似前幾日食過嘅深水埗鵝之極品). 油菜，夠大碟，但個人愛好西生菜，而佢係唐生菜，有少少苦味。總結呢個叉燒no. 1體驗，叉燒要食到靚，始終要撞手神，幾十蚊貨仔要保證最好食係好難，無論店家幾有自信都好。如果係有心做No. 1,不妨做最好賣最貴，有質數嘅嘢一定有市場。