大家樂

營業中

休息中

外面天陰陰焗緊雨，雷暴警告生效，好似妖怪就黎打到咁。中午出去食飯實好麻煩，趁暴雨未落到黎，一于衝出去買個外賣好了。唔行得遠，就近大家樂買好了。午市岩岩掛牌，食咩好呢？呢個時候人漸漸多起來，好耐冇食叉燒飯了，食叉燒四寶飯好了，買外賣，速閃。我要求左叉燒要瘦，都比到。叉燒有五六舊，雞脾一隻，雞翼一隻，紅腸三片，咸蛋半隻，仲有d菜，好夠送一碗飯。飯上都有淋豉油，有d人會為健康，嗌走豉油，我就照要左豉油，夠味開到飯嘛，哈哈。雞脾都好多肉，呢一餐系雨天快捷，食肉獸的浪漫飯盒。