影片
更多
2019-05-17
169 瀏覽
知道係三田製麵所旗下嘅舖頭，本來有啲期望可以食沾麵，但原來只有拉麵同撈麵，不過款式都好多，想飽啲所以揀咗叉燒炸雞拉麵。食物好快已經送到，份量都幾多——炸雞兩件、叉燒兩大塊、豬腩肉一嚿、溏心蛋半隻，仲有啲蔥花添。炸雞都幾大嚿，無浸到湯嘅部分都幾脆，但有啲乾唔夠滑。叉燒好大塊好腍，幾乎可以話係入口即融咁濟。肉嘅上面有少少紅色嘅汁，估係辣醬，但因為太少所以食唔係好到個味。豬腩肉脂肪比例均勻，好腍又唔會好油，個皮有膠質幾彈但有啲毛未清得乾淨有啲失色。溏心蛋好滑、好入味，好好食。個湯底係豬骨湯味，唔會好鹹。麵方面可以多揀軟、適中、硬，我揀咗硬，個麵好有彈性，係我中意嘅軟硬度。$88加一有咁多料，價錢都可以接受，但下次可能會就咁叫原味或黑麻油豚骨拉麵。
食物好快已經送到，份量都幾多——炸雞兩件、叉燒兩大塊、豬腩肉一嚿、溏心蛋半隻，仲有啲蔥花添。
炸雞都幾大嚿，無浸到湯嘅部分都幾脆，但有啲乾唔夠滑。叉燒好大塊好腍，幾乎可以話係入口即融咁濟。肉嘅上面有少少紅色嘅汁，估係辣醬，但因為太少所以食唔係好到個味。豬腩肉脂肪比例均勻，好腍又唔會好油，個皮有膠質幾彈但有啲毛未清得乾淨有啲失色。溏心蛋好滑、好入味，好好食。
個湯底係豬骨湯味，唔會好鹹。麵方面可以多揀軟、適中、硬，我揀咗硬，個麵好有彈性，係我中意嘅軟硬度。
$88加一有咁多料，價錢都可以接受，但下次可能會就咁叫原味或黑麻油豚骨拉麵。
張貼
