英都燒味廚房

營業中

休息中

臘味糯米飯，首先一定要睇吓個糯米飯炒得夠唔夠香、夠唔夠乾身、夠唔夠入味。當然最緊要就梗係要有靚臘味。好鍾意佢哋個糯米飯炒得有香又熱，啲花生粒脆卜卜，最緊要係啲臘味夠多夠靚，一碗飯入面食到有臘腸粒、臘肉粒、蝦米粒、又夠油香，加埋炒到脆卜卜花生粒撈埋一齊，越食越好食。佢而家仲加埋燒味，一係叉燒，一係燒鴨拼臘味糯米飯。我今次就揀咗叉燒，英都啲叉燒唔錯啖啖肉，唔係死實實嗰啲。可以一啖糯米飯一啖叉燒，個感覺又唔同晒，好似冇淨係食糯米飯咁孤單。