文華冰廳餅店 (已結業)

尋日行過文華餐廳，餐廳時光倒流的裝潢吸引左的和同行的朋友朝拜一下。黎到呢d老式茶餐廳，點會唔試吓熱奶茶，呷左一口，滑到不得了，茶味又唔會俾奶味蓋過，我一口又是一口的飲飲飲.....主角上場，叉燒豬扒煎蛋飯，呢個快餐全日供應，雙拚$22，三拚加$4。油光閃閃的半生熟煎雙蛋，大大塊咁蓋著叉燒同豬扒，白飯就勁啦！夠多夠硬，咁先襯油香同甜豉油ge味道嘛!!叉燒很香甜，唔會太瘦太硬，豬扒香脆十足，最後我食到隻碟照晒鏡。呢個咁man咁麻甩佬ge餐，各位兄弟如果行開太子就認真要試試啦。