甘饕 (已結業)

今日響銅鑼灣見到有間新開嘅餐廳係食燒味的，就入去試下。睇見menu知道燒鵝係呢度既招牌菜，所以就叫咗一個例牌燒鵝。另外在店員嘅介紹下知道叉燒都有分三款，分別係:第一款大少叉燒，用梅頭豬肉，有秘製洋蔥汁。第二款係肥燶叉燒，用五花腩肉。第三款係蜜汁叉燒，用瘦豬肉。而我最後揀咗蜜汁叉燒。 叉燒肥瘦分佈平均而且最重要係上面鋪滿陣陣蜜汁，肉質柔軟，食到停唔到口。而燒鵝就非常惹味，表面燒得好平均好香脆，鵝肉就好幼嫩，點埋特製嘅醬汁食一流。 另外兩碗老火例湯，飲得出燉咗好耐又好入味。下次去銅鑼灣想食燒味我都一定會再嚟甘饕。