有運燒味飯店 (已搬遷) 新店位置

每兩星期我就會幫襯一次既燒味飯, 來來去去都會係叉燒油雞, 叉燒切雞, 叉燒燒肉, 每次食邊款都好, 都一定會提叔叔加薑蓉比我, 唔係既話, 我一定食唔晒盒飯。今次係叉燒燒肉 - 冇特登叫瘦叉燒, 好好味, 唔鞋口; 燒肉都唔肥, 有時幫襯會遇著痴住塊皮有舊大肥膏, 好恐怖。雙拼好足料, 一啲都唔野少, 成為$35。如果單拼既話, 冇記錯係$32。真心佢係抵, 仲要送飲品 (有幾款放係到比你自己揀, 有水, 菊花茶, 羅漢果乜乜茶, 亦有試過係果汁先生或者係啲我唔識既飲品都有)。