叉燒丼家

營業中

休息中

話說同幾個frd組成個飲食聯盟，抽籤抽到今次既主題係「叉燒」，所以專登去新蒲崗試下呢間「叉燒丼家」，結果冇令我地失望！我地四個人去，叫咗兩個叉燒丼飯、兩款多士、再加炸雞脾同炸豬扒，每樣都試啲，又絕對夠飽！首先講講主角，叉燒丼飯。舊叉燒外表平凡，但食落絕對係非凡，食得出明顯係用靚豬肉去做。兩隻流心脆邊太陽蛋係配角中既主角，平穩地發揮水準。應脆既地方脆、應流心既流心，不用多講。飯量係有兩碗白飯有多，絕對夠飽。唯一可改善係個豉油，略欠特色。然後講多士，絕對有驚喜。我地揀咗蔥花炒蛋脆多士、厚火腿炒蛋脆多士。佢用咗一塊薄、一塊厚既包夾住餡，再有一塊薄包夾牛油。厚度係啱啱好一啖食到之餘，每一口都享受到薄麵包微燶既脆脆感。本身對多士冇乜興趣既我，從此愛上。最後係本來最愛的炸物：炸雞髀同炸豬扒。係有期望、冇失望。啖啖肉、脆漿又不會過厚。就算放凍咗都仲係脆！總括來講，係有水準、每款都平均地出色。不過款式唔多。但鐘意食嘅人相信可以日日食都唔厭！