富山貴水

營業中

休息中

每次朋友係港島九龍地區，過嚟大埔，都會問食咩好。我一向係芸芸乜國菜中，說了一句「有間食上海嘢幾好」，就會拍板成事，前前後後同唔同朋友嚟咗三次，個個都話唔錯。雖然唔算太近地鐵站，要行一段路，但地方乾淨寬敞，夠光猛，店員態度一流。最重要係有幾道餸，吸引我食完再嚟食過。2人食，食咗糖醋魚塊、金銀鱔糊、擔擔麵、炸銀絲卷、2杯豆漿。糖醋魚塊：最推介，因為外脆內軟，唔係間間鋪頭做到，甜酸啱啱好，唔使係咁飲水。金銀鱔糊：上次去叫過鱔糊粗炒，比呢個餸更好食，但厭鱔較少，今次直接單叫鱔糊，芽菜同鱔份量足夠，但口味較重。擔擔麵：沒影相，賣相一般，但味道不錯，朋友鍾意食，話多番啲啲花生醬就完美，我個人就唔多食花生醬，麵屬於軟身炸銀絲卷：煉奶是最重要最重要最重要的部分，分三舊食，拆開入面都唔散開，配煉奶再放入去，外炸內淋，我食慣饅頭，食完又係發現另一個推介。真心好食過上次叫嘅豆沙餡餅。豆漿：正常，沒特別。