El Cerdo (大壩街) (已結業)

星期一夜晚6：45入到餐廳，包場狀態，直到離開既時候，計埋我哋都只係夾埋得3檯。。不過咁靜應該唔關食物質素事，最主要係星期一晚，同埋，當然價錢本身唔算大眾化（雖則我個人認為，食呢啲嘢呢個價錢係屬於性價比高既）。。講到尾，餐廳食物水準高，環境舒適，服務亦好好。。（可能因為唔多客）。。因為朋友牛一，我喺OpenRice訂檯時p.s.要求甜品碟寫字，其實冇實際同餐廳溝通過，所以唔肯定佢哋會唔會咁做，但出甜品時，見到個碟真係寫住Haply Birthday...我朋友當刻當然驚喜啦！我就相當滿意。講番啲食物，樣樣都好好食，最正係個蘋果黑毛豬同埋Churros甜點