影片
更多
2016-01-08
186 瀏覽
位於不起眼的內街, 友人先發現, call我, 話有好介紹....入內...坐低....我終於明白了... 原來部長是... 靚女... 哈... 唔好意思, 今次真係無圖... 無圖無真相!?!?! 我都無辦法... 大枝裝藍妹啤酒 ...., 餐牌上價錢...$26, 唔知有無睇錯, 絕對是見過火鍋店中最平的一次, 就算行過些少的紅磡街市大排檔, 也要收$28, 咁平, 唔飲多幾枝, 對唔住自己....哈哈...八味金磚豆腐 $48, 四四方方, 整整齊齊, 炸得脹卜卜, 真正成舊金磚一樣. 豆腐外表的漿粉超薄, 炸得金黃之餘, 香脆度十足, 內裡軟滑度, 是我吃過的最好一次, 比玉子豆腐更軟更淋, 重點是外皮沒有太鹹的精粉, 香味足而脆口.花彫醉雞煲, 半隻 $138, 放入了准山、黨參、紅棗、杞子等藥材. 上檯後, 店員才把雞件放入湯中, 花雕味香, 這樣的價格, 腦袋正常的我, 一定不會天真到以為是新鮮雞吧.... 哈哈... , 但煮出來的雞件, 絕對不差, 滑溜有餘, 雞味不過不失, 算交足功課, 令人驚喜的....是那種花彫味道, 不會隨著煲煮過程中消失, 食到最後,
位於不起眼的內街, 友人先發現, call我, 話有好介紹....入內...坐低....我終於明白了... 原來部長是... 靚女... 哈... 唔好意思, 今次真係無圖... 無圖無真相!?!?! 我都無辦法...
大枝裝藍妹啤酒 ...., 餐牌上價錢...$26, 唔知有無睇錯, 絕對是見過火鍋店中最平的一次, 就算行過些少的紅磡街市大排檔, 也要收$28, 咁平, 唔飲多幾枝, 對唔住自己....哈哈...
八味金磚豆腐 $48, 四四方方, 整整齊齊, 炸得脹卜卜, 真正成舊金磚一樣. 豆腐外表的漿粉超薄, 炸得金黃之餘, 香脆度十足, 內裡軟滑度, 是我吃過的最好一次, 比玉子豆腐更軟更淋, 重點是外皮沒有太鹹的精粉, 香味足而脆口.
花彫醉雞煲, 半隻 $138, 放入了准山、黨參、紅棗、杞子等藥材. 上檯後, 店員才把雞件放入湯中, 花雕味香, 這樣的價格, 腦袋正常的我, 一定不會天真到以為是新鮮雞吧.... 哈哈... , 但煮出來的雞件, 絕對不差, 滑溜有餘, 雞味不過不失, 算交足功課, 令人驚喜的....是那種花彫味道, 不會隨著煲煮過程中消失, 食到最後, 仍然散發著陣陣香味...
牛頸脊, 即肩胛位，味濃, 肉質軟綿, 雪花紋均勻, 油香豐腴之餘, 不失爽滑甜香, 有咀頭. 小號的價錢$188, 與街市自購相比, 相差無幾, 抵食之至.最愛加一些香蔥, 只需蘸很少的醬油, 入口鮮度大增, 不會醬汁蓋過牛肉味道, 一流享受.
手打四寶丸 $88, 有我喜歡的蝦丸和墨魚丸, 也有我至憎的鯪魚丸, 無錯... 我的確最唔鍾意食"鯪魚球", 點解??? 我都想知....哈哈... 但友人勁鍾意食, 啱晒啦... 牛丸並非一般酒家火鍋的鮮肉丸, 而是似"魚蛋粉麵檔"式的打到起漿的牛丸.
四丸之中, 原來不是簡單牛丸....而是"牛筋丸", 加了嫩筋製成的肉丸, 肉味不減, 但多了一份嚼勁, 蘸辣椒醬油, 輕鹹中辣的味道, 最佳配搭, 咬入肉丸中間, 還有肉汁流出...小心..小心...
初期出現"豬面青"這種食材, 可能因為名稱是"豬臉", 有些嚇人, 不多人叫來吃, 之後不知何時何月, 突然改了為"豬頸肉".... 友善了很多....其實食人塊臉和食人條頸... 都夠嚇人吧.... 但總之就係唔同晒..... 後來又有些所謂專家出來說三道四...話...雖然豬頸肉和豬面青都又爽又嫩, 但前頸和後頸是不同的... 味道有別... 即刻用手摸一摸自己條前頸和後頸....真係有少少唔同蹯...哈哈.
以前行內人說豬面青, 就是行外人的豬頸肉, 這部位的肉質, 確實嫩滑, 肥瘦均勻, 正確來說, 應該是肥瘦各佔一半, 就算煮得過火, 也不會肉質老韌, 最適合打邊爐和初級廚師... 點解?? 因為烹調經驗不足, 也無問題, 煮幾耐..都咁好味...LOL.
張貼
