黑麥 (已結業)

早前出席試菜活動時，席間食友 wanttoeat 竟然留意到我對餐前的麵包棒情有獨鍾，見我吃完一條又一條，所以就特意於下次敍會時買了「黑麥」的芝士條送贈給我，還說為免這些弱不禁風的餅乾條粉身碎骨，所以拿了個長長的圓筒載住給我，這小妮子真是細心得令人太感動了。多謝妳啊！其實我之前都已經講過，兩個人可以成為朋友，除了是緣分之外，還需要雙方用心去經營。講真，近年喺交年輕朋友的道路上，我也曾經跌過跤，不過既然大家做唔成朋友，就證明我地無緣分，亦無謂強求，只是有點感慨而已，哈哈，或者這就是代溝吧！難得這小妮子不嫌我老氣多言，還待我如姊姊般，十分親切。我這老毛病又來了，愈扯愈遠，還是說回這袋芝士條，雖然每條都長短不一，但分量都唔少，而且入口硬脆得來還滿是芝士的濃香，十分對辦，無論是當作口痕的零食，又或是下午茶三點三，沖杯 hot tea 慢慢嘆都咁滋味。