影片
更多
2011-12-27
209 瀏覽
星期一，約左好耐無見的一個好朋友午聚談談近況，見都有一輪下晝無來呢度食午餐，而又好似開左幾間新舖，就兩個人來試試。為何間間唔去，要來二樓呢度？查實係樓下負責招徠位侍應姐姐樣子幾標緻，我地兩個離遠已鎖定目標，二話不說就坐了進來，連幾錢都無睇，所以你話包裝幾咁重要呢。呢度好坐，地方新淨又幾有特色，唔食野，叫杯野坐低傾計也是好地方。我們坐在近街的位置，居高臨下望住蘭桂坊，唔食飯入夜來飲野都應該好正。呢度午餐可以齋選主菜，或主菜加頭盤或湯，或主菜加頭盤加甜品，亦即是全餐。價錢由78蚊至108蚊，吃得多俾得多，都算公道。我們都要了全餐，頭盤要了羊肉薯仔沙律餃子及炸豬手，主菜要了燴羊肉及豬柳。先來法包，雖然普通貨色，但熱熱算幾好。炸豬手熱辣辣，是即炸的。因為連皮炸，吃起來很是肥美，怕肥的一定視之如蛇吞象，但豬手皮是非常豐腴味美的。豬手肉鹹鹹地，肉質都唔錯。伴以忌廉菠菜汁，好滑好夠味，除了伴豬手外，雖然齋吃略鹹，但用法包點菠菜汁來吃就剛剛好；羊肉薯仔沙律餃子賣相都幾好，朋友話味道都不錯；主菜的燴羊肉跟飯，賣相幾中式的柱侯牛白腩，外表看來麻麻。吃落反而不錯，味道幾濃郁，臊味不重，相信少吃羊肉的朋友也可
呢度好坐，地方新淨又幾有特色，唔食野，叫杯野坐低傾計也是好地方。我們坐在近街的位置，居高臨下望住蘭桂坊，唔食飯入夜來飲野都應該好正。
呢度午餐可以齋選主菜，或主菜加頭盤或湯，或主菜加頭盤加甜品，亦即是全餐。價錢由78蚊至108蚊，吃得多俾得多，都算公道。我們都要了全餐，頭盤要了羊肉薯仔沙律餃子及炸豬手，主菜要了燴羊肉及豬柳。
先來法包，雖然普通貨色，但熱熱算幾好。炸豬手熱辣辣，是即炸的。因為連皮炸，吃起來很是肥美，怕肥的一定視之如蛇吞象，但豬手皮是非常豐腴味美的。豬手肉鹹鹹地，肉質都唔錯。伴以忌廉菠菜汁，好滑好夠味，除了伴豬手外，雖然齋吃略鹹，但用法包點菠菜汁來吃就剛剛好；羊肉薯仔沙律餃子賣相都幾好，朋友話味道都不錯；
主菜的燴羊肉跟飯，賣相幾中式的柱侯牛白腩，外表看來麻麻。吃落反而不錯，味道幾濃郁，臊味不重，相信少吃羊肉的朋友也可以應付。羊肉是羊腩，肉質不差，燴得夠腍又不失咬口，不錯。我不是飯桶，但碟飯確是偏少，吃了一半羊肉已經唔夠飯，唯有叫佢拿多一點來。朋友的豬柳看起來是平平無奇，朋友話吃起來也是平平無奇，叫過第二樣好過；
甜品是喱及Sorbet，我的喱吃不出特別何在，朋友的Sorbet 也不見佳處，似乎呢度的主菜好味過甜品。加埋杯熱咖啡，吃得幾飽。
侍應招呼唔錯，幾好笑容。
埋單二百四十蚊，價錢略貴，想找處地方好坐一點的，也無不可。
張貼