仙跡岩 (至秀商業大廈)

營業中

休息中

晚上放工約了朋友相聚，想選cafe之時，發現有仙踪岩，印象中都係食吐司同珍珠奶茶咁，咁就不妨試試先。地鐵站一出行幾步左右就見到，好易搵，上到去，環境座位好寬敞，俾人好舒適既感覺，又有wifi提供, 岩哂一班朋友傾計聚會。依排夏天天氣好熱，急不及待叫飲品，打開餐牌有好多選擇呀！最後與友人選了香芋珍珠奶茶同卡布點子，選左重量級，真係好抵飲，香芋珍珠奶茶甜度剛剛好，珍珠好有咬口，不會過軟。食物方面就叫左招牌牛肉麵同冬蔭豬頸肉拉麵，類似濶條麵質感，牛肉麵湯底濃郁，牛肉也是很入味的！絕對不會失望！另一冬蔭湯底剛很開胃，帶出冬蔭微酸味，令人想再添多碗！另外叫左小食-鹽酥花枝同甜不辣，兩碟都份量適中，而且還是熱騰騰的，花枝更是香脆可口！最後少不了甜品，本身打算試其他味道既奶涷，最後店員告知剩原味同朱古力味，就試了原味，奶味濃郁，奶凍質感更為滑溜，總括而言，cp值高，食物味道質素更為我預期之外，價錢又大眾化！係同朋友輕鬆hea下傾計既好地方，值得讚讚。