紅跑車越南餐室 (已結業)

三五知己, 再一次光臨, 味道依然, 所以同愛吃一族分享一下, 雪啡奶 – 香濃新鮮嘅咖啡豆用越南滴滴咖啡方式, 配煉奶, 冰底. 咖啡, 煉奶嘅香滑比港式咖啡出色.酸窩牛肉 - 酸酸嘅窩底加上安格斯牛肉跟生菜, 味道一絕.咖喱牛筋腩煲(跟法包) – 淨係個樣已經好吸引, 淋牛筋腩帶出越式嘅咖喱味道, 配埋法包, 嘩! Kawaii !!燒魚 - 香茅放入魚身燒, 魚皮脆, 魚肉帶點香茅o既清香.牛油香草羊架 – 未上枱先比牛油香吸引, 羊架夾雜牛油同香草帶出嘅味道, 妙!紅跑車招牌湯河 – 論味道真係無咩特別, 牛嘅配料多, 不過唔夠熱, 失咗小小分.花生醬香蕉卷配雪糕 – 個人而言, 除咗春卷皮脆之外, 味道一般, 但可以睇出廚師嘅心思.今次去係想帶朋友同老闆龍哥飲下酒, 吹下水, 可惜龍哥不在, 好彩熱情嘅服務員珊珊, 華華同老闆娘Sandy一樣友善親切, 仍然可以比人感覺到嗰種朋友式嘅親切服務.P.S. 我哋一行四人入座卡位, 略厭窄咗d.