影片
更多
2016-11-03
977 瀏覽
同我有睇演唱會既朋友都知，我一直好想試下有情有意，但每次都因為趕住睇演唱會食唔到，為左一嚐有情有意，終於相約友人周末黎lunch。我睇過好多介紹，有情有意係一所良心餐廳，所聘請既都係聽障人士，而且侍應有禮親善，笑容可掬，我都深深感受到佢地如何做事貼心有禮係呢次lunch。我地每人都叫左一個set lunch，每個餐都附上南瓜湯一碗，南瓜湯清爽健康冇味精，濃醇滋味，非常開胃。健康至上既朋友一如佢平日風格選擇鮮蝦蟹棒 田園沙律，蝦肉結實有彈性，配上天然酸味既柚子汁調味，令蕃茄，粟米，青瓜，紫椰菜更為新鮮清爽，友人稱心滿意。冇肉不歡既我見到安格斯肉眼扒非常超值 ，由原價198蚊減至138蚊，牛扒迷既我當然唔會錯過。有情有意冇將價就貨，煎到五成熟既肉眼肉味頗重，油脂分佈均勻，食起黎更係軟嫩到不得了，滿口牛肉滋味令我滿滿幸福。食完lunch主餐，自然想食埋甜品，我地一人一款，互相交換黎食，一口小立方既蛋糕齊齊分享就岩哂。我最鐘意tiramisu口味，濃郁咖啡酒醇香，蛋糕鬆軟，美味可口。朋友則鐘意芝麻豆腐口味，覺得清清淡淡，最合佢心意。朋友最近熬夜工作，睡眠不足，想飲啲提神飲品，恰巧係menu見到
我睇過好多介紹，有情有意係一所良心餐廳，所聘請既都係聽障人士，而且侍應有禮親善，笑容可掬，我都深深感受到佢地如何做事貼心有禮係呢次lunch。
我地每人都叫左一個set lunch，每個餐都附上南瓜湯一碗，南瓜湯清爽健康冇味精，濃醇滋味，非常開胃。
健康至上既朋友一如佢平日風格選擇鮮蝦蟹棒 田園沙律，蝦肉結實有彈性，配上天然酸味既柚子汁調味，令蕃茄，粟米，青瓜，紫椰菜更為新鮮清爽，友人稱心滿意。
冇肉不歡既我見到安格斯肉眼扒非常超值 ，由原價198蚊減至138蚊，牛扒迷既我當然唔會錯過。有情有意冇將價就貨，煎到五成熟既肉眼肉味頗重，油脂分佈均勻，食起黎更係軟嫩到不得了，滿口牛肉滋味令我滿滿幸福。
食完lunch主餐，自然想食埋甜品，我地一人一款，互相交換黎食，一口小立方既蛋糕齊齊分享就岩哂。我最鐘意tiramisu口味，濃郁咖啡酒醇香，蛋糕鬆軟，美味可口。朋友則鐘意芝麻豆腐口味，覺得清清淡淡，最合佢心意。
朋友最近熬夜工作，睡眠不足，想飲啲提神飲品，恰巧係menu見到有機胡椒薄荷茶，佢興趣滿滿，於是叫左一杯品嚐。暖烘烘薄荷胡椒茶消化解膩，飲落清爽，亦舒緩左佢既疲勞感。
我繼續飲紅棗茶。
張貼
