劉興記生煎包專門店

營業中

休息中

依家可以唱K嘅地方碩果僅存，好似差荃灣嘅CEO 未去過，今次就去下，最大間房😈唱左幾個鐘都好餓要醫下肚，行去隔離4分鐘見到有勁多人，仲有間門口貼左同常客發哥嘅合照，唔使諗，即刻舉手入去，好好彩，坐埋最後2個位唔使等。Lucky me 🥰🥰🥰📌招牌生煎包x2+ 蟹皇生煎包x2開放式廚房可以睇到全個搓皮至包餡全人手製作過程，即叫即製。環境衛生，員工仲個個戴住口罩，食客食得安心又放心。兩款生煎包嘅底都煎到金黃脆口，包裡面多汁到噴到泥，勁juicy！「招牌生煎包」嘅豬肉餡料較少肥肉，肉味香濃。而「蟹皇生煎包」將勁多蟹膏🦀、蟹肉mix埋豬肉，味道好鮮甜好夾😍，我全都要😆📌麻醬手撕雞絲粉皮夏天之選🌞一睇就見到份量好足好大碗，一啖雞絲同青瓜絲mix 埋沾滿麻醬嘅厚身粉皮，好滑溜好易入口，當堂開胃曬，成碗K.O.冇難度👌🏻👌🏻👌🏻📌上海排骨湯麵上海排骨即係將D 豬扒炸到外脆內軟，再咬一啖口感爽彈嘅幼身麵條，簡直係perfect match 👩🏻‍🍳👩🏻‍🍳👩🏻‍🍳📌酥炸小雲吞12粒炸物都非常出色，脆而不膩，一口一粒可以保持儀態🤣滿滿嘅豬肉餡料都被雲吞皮完美甘包裹住，好可愛😌📌豆漿x2勁有豆味而唔好死甜