金記冰室 (霎東街) (已結業)

現在所有人不單單追求食物嘅質素，仲希望有舒適特別嘅環境，同埋貴賓般嘅服務。今日約朋友到銅鑼灣下午茶相聚，路過金記冰室，見到裝修懷舊又整潔光猛，價錢相宜，就入去試試。食物簡直物超所值，點咗2個下午茶餐 (吉列魚柳併沙律 及 吞拿魚蛋白三文治)+ 1件鹹牛肉炒蛋軍艦。魚柳肉質非常滑，吞拿魚配蛋白完全唔會覺得濟，鹹牛肉炒蛋味道剛好唔太鹹，所有食物配搭得剛剛好。最重要係服務態度非常好，由剛入門口到點餐，職員都好樂意幫忙，而且侍應笑面迎人，性格開朗，能夠感受到他們嘅正能量，讓你能輕輕鬆鬆舒舒服服地享用下午茶。若果日後約朋友在銅鑼灣食嘢，我一定會推薦金記。