Mee...lemongrass (已結業)

我同朋友入咗去呢間泰國餐廳，裏面有好多唔同款式嘅午餐可以選擇，樣樣睇落去都好吸引，好想叫黎食，包括炒貴刁、炒飯同肉骨茶等，但係最吸引我的眼球嘅都係招牌海南雞飯，見到大部份食客都係叫呢個餐，我同朋友兩個都各人一碟。呢度最開心嘅地方係有好多特色嘢飲！我朋友就好鍾意飲台式珍珠奶茶，佢就叫咗個泰式奶茶，而我就想強身健體，見到店裏面做緊個抗疫飲品推廣，我二話不說揀咗個熱飲，當中有三款可以選擇，包括鮮橙四季春、富士蘋果茉莉，仲有黑糖薑母茶。富士蘋果茉莉好香甜，味道清新自然，仲有塊蘋果泡在當中，感覺好健康。奶茶奶味濃郁，夠晒大杯，泰式奶茶唔會太甜。