新記芝士麵 (已結業)

去尖沙咀接朋友2號放工，一直都好想試依間傳說中o既豬頸肉芝士撈丁。傳說中此店服務極差...傳說中水準已不復當年...原來傳說並非傳說咁簡單一入門口，四五個員公圍坐一檯，手指指指示我地行入去入面，入到去得小貓三四隻，四五張都係空檯，唸住是但坐喇，正想坐低之際，廚房阿叔大聲喝止，命令我地坐埋一角同一位女士答檯...嚇到我三魂唔見七魄...為左口福，唯有放下身段，對面位女士亦用三分鐘時間食完碗麵極速走人，我地終於可以獨霸張檯喇！終於到點餐時間，好味o既食物應該可以彌補到我弱小心靈o既創傷點餐時一位帶粗黑眼鏡的男士應由頭到尾都面無表情不發一言此人送餐時更具霸氣，行到埋黎拍一聲掉底隻碟，OMG!!!此刻令我有D混淆到底我係黎食飯定係要飯...我地點左:1.豬頸肉芝士撈丁首先豬頸內似紙皮，師傳刀功應該好了得，塊塊都切到又薄又細，可以轉去個日本餐喇...麵底真係出前一丁咩?!芝士汁還好，幾野味2.瑞士汁雞翼個人認為家母的手藝更勝一籌...3.蜜汁龍鬚祇可以話不過不失，咪甜版魷魚鬚...以上食物份量兩個女仔食都唔夠飽..不過我地並唔打算再叫，拿拿林逃走去食甜品算了...慘痛o既經歷啊