影片
更多
2015-01-26
619 瀏覽
未入去前, 上網搜一搜, 了解一下狀況, 竟然首三個食評都係抱怨服務差…. 網上評語有幾重要?? 哈哈…. 對我而言, 真係…好..好重要, 就係見到連續三個評語都唔係太滿意, 甚至差極.服務差!? 唔緊要…. 最緊要好食!! 君不見香港消費者都係犯賤既咩….. 你睇所有出名既食肆就知啦, 有邊間係服務態度良好的?? 澳牛和九記就係最佳例子, 你睇每日有大量既XX入去受刑就知吧….哈哈…. 所以話, 香港消費者都係有些少心理唔正常, 我都係香港消費者, 所以我都唔係好正常啦, 見你服務水準差勁, 我今日又未被人鬧過, 周身唔舒服, 要比人鬧吓先得…哈哈哈..約了友人睇展覽, 未夠鐘, 先食過下午茶等一等. 兩人各要了不同的All Day Breakfast: A1 和A2A1, $98, 是Egg Benedict, 2隻poached eggs, 一隻太熟, 一隻半熟, 牛油Muffin, 放了在蛋底, 可能水蛋未及乾, 引至Muffin 濕淋淋, 全完沒有了其質感, Hollandaise sauce, 味道略為過酸, 我比較喜歡甜多酸少, Hand cut Ham 和 Smoke
服務差!? 唔緊要…. 最緊要好食!! 君不見香港消費者都係犯賤既咩….. 你睇所有出名既食肆就知啦, 有邊間係服務態度良好的?? 澳牛和九記就係最佳例子, 你睇每日有大量既XX入去受刑就知吧….哈哈…. 所以話, 香港消費者都係有些少心理唔正常, 我都係香港消費者, 所以我都唔係好正常啦, 見你服務水準差勁, 我今日又未被人鬧過, 周身唔舒服, 要比人鬧吓先得…哈哈哈..
約了友人睇展覽, 未夠鐘, 先食過下午茶等一等. 兩人各要了不同的All Day Breakfast: A1 和A2
A1, $98, 是Egg Benedict, 2隻poached eggs, 一隻太熟, 一隻半熟, 牛油Muffin, 放了在蛋底, 可能水蛋未及乾, 引至Muffin 濕淋淋, 全完沒有了其質感, Hollandaise sauce, 味道略為過酸, 我比較喜歡甜多酸少, Hand cut Ham 和 Smoked Bacon, Bacon就已經係煙肉了, 無需加多過”煙”字係頭..哈哈.. 好味, 煎過, 香脆
A2是, $98, 餐牌是這樣寫, “穀飼西冷牛扒” (Australian Strip loin Steak), Strip loin是腰脊部份, 還有”穀飼”, 每次睇到呢種類的形容, 都會立即眼突一突, 笑一笑, 並希望有人教一教我, 點樣可以食得出其分別…. 哈哈. 牛扒質素不錯, 有纖維口感之餘, 又不會韌, 唯一不夠好的是, 牛扒邊位的肥脂肪未煎得夠火喉. 煎雙蛋, 無脆邊, 白滑滑的蛋白表面, 其中一隻爛黃(九十八元的All Day B, 並唔係最貴, 但…..我都要考慮下賣相囉…, 做得高檔貨, 係有D嘢唔可以求其架… 打出來散黃, 多數是雞蛋放室溫太耐, 下次留翻做其他食品吧, 不適宜做九十八蚊既早餐囉…).
店內兩位員工及一位老闆娘, 其三人, 看見兩位店員招呼客人時都有禮貌, 老闆娘就更有禮貌, 唔該前..唔該後, 又多謝又thank you, 唔知係係未睇到網上評語後的行為反動…感覺上, 好似刻意專登地夾住把聲嚟對答咁樣……哈哈…. 友人與我, 都覺得有賓至如歸的感覺, 睇嚟…要去另一間, 食多次下午茶, 睇吓有無得比人鬧一鬧了….
張貼
