餃掂手工餃子雲吞專門店

餃掂手工餃子雲吞專門店 (西環)西環士美非路12號文光閣地下C號舖日本龍鳳蛋配黑白松露醬$32蛋本身口感相當嫩滑，加埋有糖心黃，伴咗黑松露同白松露增添風味，相當唔錯。黃金原味皮蛋$28名為黃金，有別於一般皮蛋黑麻麻，呢個黃金皮蛋係呈金黃色，帶極輕微酸味，比黑皮蛋更為可口。麻辣松花皮蛋$25呢款就係黑色一般皮蛋，麻辣味相當入味，皮蛋彈牙，口感不俗。至尊松茸豬肉（餃跟狀元九鼎湯）$80八隻呢款餃子係會同湯分開上，湯真係好濃郁，餃子鮮甜，浸湯再加上松茸醬風味極佳。香煎軟心芝士餃$57七隻餃皮香脆，饀料有芝士粟米，濃郁芝士豬肉饀中有清甜爽口嘅粒粒粟米，口感味道都一絕。元貝豬肉煎餃子$54七隻餃皮香脆，豬肉饀混入咗元貝，豬肉鮮味中多咗一份海鮮味，相當惹味。