影片
更多
2014-02-02
740 瀏覽
Shopping 路過此店，本身打算只係入去睇睇，發現原來有好多選擇，眼睛更即時被有閃粉係表面嘅 Macaron 吸引！顏色超級靚！（雖然都知道對味道無影響，只係外表而已）唔得喇！心諗一定要買！於是望下一件幾多錢！？ 噢！無寫 wor! 問下先！啊！原來無散賣，一定要買 box set! 最少買3件，$108。好貴呀！食過最貴嘅 Lauderee 都只係$25 一件！所以，平均$36一件，有理由相信大部份錢都係去左個盒度！好啦！新年！豪D啦！第一時間問下紅色上面有金粉個件係咩味！（其實心諗係咩味都會買！因為實在太靚喇！）嘩！係鵝肝朱古力味！ 超吸引！其他牌子都無呢種味！由於介紹只有英文，唔係個個字識，所以都無打算睇哂先考慮！見到有至愛嘅 Rose 字即刻鎖定目標，問下，原來係玫瑰荔枝紅苺，貪心嘅我超 like. 一件有3種味 wor! ( 後來睇呢度食評先知原來係品牌嘅 signature Macaron! Yeah! ) 第三件我就揀左 牛油焦糖海鹽味！Overall , 係好味！我初入去見到D Macaron，第一個感覺就係中間D餡咁厚嘅？！ 比起食過嘅牌子都厚好多啊！咁又係呀！佢
好啦！新年！豪D啦！第一時間問下紅色上面有金粉個件係咩味！（其實心諗係咩味都會買！因為實在太靚喇！）嘩！係鵝肝朱古力味！ 超吸引！其他牌子都無呢種味！由於介紹只有英文，唔係個個字識，所以都無打算睇哂先考慮！見到有至愛嘅 Rose 字即刻鎖定目標，問下，原來係玫瑰荔枝紅苺，貪心嘅我超 like. 一件有3種味 wor! ( 後來睇呢度食評先知原來係品牌嘅 signature Macaron! Yeah! ) 第三件我就揀左 牛油焦糖海鹽味！
Overall , 係好味！我初入去見到D Macaron，第一個感覺就係中間D餡咁厚嘅？！ 比起食過嘅牌子都厚好多啊！咁又係呀！佢件件都有兩三隻味、唔厚D點得呢！？
朱古力鵝肝：朱古力餡又滑、好 rich. 淡淡鵝肝味，都好夾味！但鵝肝味就較唔突出，但由於味道特別，都值得一試！
玫瑰荔枝紅苺：好香玫瑰味，亦有一層好厚嘅餡、白色，好滑、味道較甜、第一次食 Macaron 有 甜到Lou 嘅感覺，但嗜甜嘅我仍然係覺得 ok 嘅！ 小小嘅一件 Macaron 裏面仲有餡啊！類似果 jam, 令到味道好豐富！荔枝味就好像不太突出，可能係淡淡咁混入當中先美味！
牛油焦糖海鹽：第一個感覺係，牛油味好勁，焦糖竟然有微苦，但係可以接受嘅！鹽味係好少！整體都係好味嘅！之後睇番 catalog 先知有白松露，吖！好想試呀！其他牌子真係唔多覺有呢D 咁特別嘅味道 ！
順帶一提：呢度嘅 sales 係好 attentive , 但係係由你行近個櫃開始問「有咩幫到兩位？」重覆左4-5次，就算買都可以睇下先呀！好似係度催你咁！唔可以靜靜地慢慢咁睇！Attentive 係好！但單向不斷重覆，而唔係真心留意人客需要咁，係好令人煩厭！ 希望店方留意！
張貼
