La Famille (已搬遷) 新店位置

其實呢間蛋糕店唔係第一次食，之前都有朋友生日，貪佢細細個蛋糕，兩個人食就岩岩好。有時想食完正餐再食蛋糕，就算有幾鍾意食甜品都冇可能兩個人食得到一個大蛋糕，呢間蛋糕個大細就岩岩好。而且佢仲可以即場幫你寫生日牌，如果想同朋友慶祝又趕唔切訂蛋糕都好適合。👍🏻.今次比較多人，所以就可以買一個大d既蛋糕。店內所有蛋糕都是海綿蛋糕，但比一般的海綿蛋糕不同的是，佢的口感是超鬆軟的！！！英國伯爵茶的茶味好突出，甜度適中，入面既cream唔會好厚實食到好膩，整體感覺好清新。唔鍾意食太甜的蛋糕的朋友一定會鍾意！