川亭 (聯發街)

營業中

休息中

平時lunch time經過門口都排晒隊，想食好耐，今日終於決定放工先去食，終於食到啦！呢度主打四川重慶，有粉、麵，仲有飯類。好，坐低睇下有咩好食先。川亭口水雞涼麵，份量都好多下，$64蚊黎講好抵食。雞件厚肉大大舊，上面舖滿秘製麻辣醬、蔥、芝麻，又辣又香，雞肉連雞皮食超好味！口水雞好正，但個涼麵一啲都唔單調，上面都有好多配料配菜，有肉碎、青瓜絲、芽菜和碗豆，淨係食麵都覺得好好味，麵條又爽又彈，岀面天氣熱食涼麵，胃口都好啲！跟餐加錢可以跟飲品。