大家姐 (已結業)

新既一年新既開始，行行下街口痕痕，見到間大家姐，原本冇諗住食。但見好多人排隊，羊群心態，我都走左埋去望下，唔望還可，一望就餓。就忍不住，心大心細就叫左1號餐(8粒燒賣+5條腸粉)，其實仲有其他combination有魚蛋，牛肉，腸粉，燒賣混合配搭。不過個人喜愛燒賣+腸粉。奇怪地店員都主張用八達通比錢。"嘟"完就從店員手上接過一碗熱到燙手既小食。再自行落醬。腸粉熱辣辣~燙口的, 軟軟的但又唔算滑，口感結實冇"傑tat tat"。其實同其他地方食果d腸粉冇咩大分別。燒賣都係熱辣辣，有陣燒賣味，口感就幾彈牙，不過d燒賣係平價果種，唔係魚肉燒賣。不過整體都幾大兜~但就係冇咩特別。