La Famille (已搬遷) 新店位置

上星期去咗尖沙咀度行街，去到海港城見到呢間專門買戚風蛋糕嘅專門店竟然開咗喺呢一度😍😍😍之前喺大坑都有食過呢一間 個人認為係最比心機同最足料嘅戚風蛋糕！同埋對於我呢一啲唔太鍾意食太甜嘅蛋糕來講呢個真係好適合我🥰食完成個都唔會覺得好膩口啊！今次買咗兩個迷你戚風蛋糕返屋企食第一個係英國伯爵茶，若果你係Earl Grey迷就一定要試啦，每食一啖都會慢慢淡出伯爵茶嘅茶香，雖然佢比其他味道冇咁濃郁，但係就相對起其他咩都冇咁甜～另外就係士多啤梨乳酪味，呢一個比伯爵茶味就會濃郁多啲，同埋適合大眾， 呢一隻士多啤梨味絕對唔係假味個隻，而且唔會死甜，唔知揀邊隻好嘅話就可以試吓士多啤梨味！