影片
更多
2014-07-27
7339 瀏覽
日式放題食得多，但食來食去都係三文魚、吞拿魚，最正最正ge都只係有長腳蟹，但食過幾間，都係雲味多過蟹味，真係火都黎埋。所以，近期去親都係買購團，仲要任飲清酒那隻，貪佢平平地，又可以同班Friend吹下水，飲下酒，Gathering為主，都唔係好理D野食。誰不知，星期五那餐，將我所有對日式放題ge印象、概念完全打破！！！！事源，岩岩上兩個星期公司班手足收左Promotion Letter，個個靚仔靚女唔係升職、就人工加個dou，所以有份升職ge老闆同手足就提意去荔枝角食日本放題賀下佢，口賤ge我都即時彈左句：『唔係呀，賀下佢都只係日式放題，仲去到荔枝角咁遠，唔好玩啦，工廠區來架，老闆！！』老闆即時回我：『唔好唔正，我都唔食啦，衰仔。』當時心諗：我就睇你有幾正。點解最後完全拜服ge竟然係我。講多無謂，有圖有真相，睇相先！！一坐底見到里條眼仔轆轆ge金木鯛，再望望已經左邊嘴角上揚ge老闆，我知今晚要用半支『男山』來負荊請罪。講返條金木鯛，直係正到無譜，作為白身魚，佢ge鮮味，絕對比得上任何一和紅身魚。加上白身魚獨有ge彈性十足口感，真係好好味，但由於成廿幾人食兩條魚，我搏埋條命都只係搶得兩片
最正最正ge都只係有長腳蟹，
但食過幾間，都係雲味多過蟹味，真係火都黎埋。
所以，近期去親都係買購團，仲要任飲清酒那隻，
貪佢平平地，又可以同班Friend吹下水，飲下酒，
Gathering為主，都唔係好理D野食。
誰不知，星期五那餐，將我所有對日式放題ge印象、概念完全打破！！！！
事源，岩岩上兩個星期公司班手足收左Promotion Letter，
個個靚仔靚女唔係升職、就人工加個dou，
所以有份升職ge老闆同手足就提意去荔枝角食日本放題賀下佢，
口賤ge我都即時彈左句：『唔係呀，賀下佢都只係日式放題，仲去到荔枝角咁遠，唔好玩啦，工廠區來架，老闆！！』
老闆即時回我：『唔好唔正，我都唔食啦，衰仔。』
當時心諗：我就睇你有幾正。
點解最後完全拜服ge竟然係我。
講多無謂，有圖有真相，睇相先！！
一坐底見到里條眼仔轆轆ge金木鯛，再望望已經左邊嘴角上揚ge老闆，我知今晚要用半支『男山』來負荊請罪。
講返條金木鯛，直係正到無譜，作為白身魚，佢ge鮮味，絕對比得上任何一和紅身魚。
加上白身魚獨有ge彈性十足口感，真係好好味，
但由於成廿幾人食兩條魚，我搏埋條命都只係搶得兩片，好彩師傅刀工大方，都總算過足口癮。
第二盤出場時間，成班兄弟ge反應係.................呆左加句咩來架，里個時問就緊係『份契弟、搵老細』啦
經闆點化後先知，原來分別係飛魚、池魚、(方魚)弗魚刺身，
都係那句：由於餓鬼當道，我只係食到飛魚，
佢ge魚味好特殊，有小小腥，但偏偏幾岩我口味，清清地甜甜地，唔太濃味。
可能佢生前日日真係飛來飛去啦，口感仲勁過條金木鯛。
上圖哩條(立魚)條魚好食，好好食，但我食ge時候係用一種充滿敬意加內疚感去食的，並奉勸所有膽小者、攜同16歲以下兒童光顧人士切勿點選，
因為條魚.................上到臺都仲郁緊，OMG。
根據老闆所講哩道係最後一道生ge菜式，但經過那條仲曉郁ge(立魚)魚後，我ge味覺同腦袋已經只係話到俾我聽，
蝦係大隻ge鮮甜ge，貝類係爽口ge具野生貝類那種惹味ge，
完全出現味覺疲勞ge跡像。
還望其他openrice ge同路人，食過後我幫補足一下。
來到哩一刻終於有熟食，哩條壽喜燒真係無得輸，除左觀塘間囍菜條盲糟外，
係香港我未食過燒完都仲咁滑ge魚，泊得住大酒樓d蒸魚，
一夾落去見到d魚油仲係keep到juice juice，
食落口d油香好味到不得了，但女生們食就真係跑足10k先幫到你羅(XP)
依家睇返相，心諗好彩哩餐唔係同我慶祝生日jer，如果唔係，老闆叫我玩『吹蠟蠋』都似，諗起都一額汗。
當時見到Waiter捧住盤著晒火ge龍蝦放落我地張臺度，
成班友即時V嘩鬼叫，嘈到成個場以為我地見到鬼。
盤龍蝦落到臺都仲燒左成30幾秒，加上由龍蝦膏同芝士混合而成ge焗汁，
真係正到無輪，有半醉ge男同事係食晒d肉後，仲論殼論左成分鐘，現場各人為之則目。
緊接ge就係海鹽燒沙白，中指咁長ge沙白，7成左右熟，
個殼仲裝住d唔知係湯定沙白汁，
一啖過連汁帶肉一齊食，
真係黃子華金句：Mavelous!!
哩舊成個樣成個回力標咁ge野呢，據waiter講係燒吞拿魚絞，小弟真係無緣一嘗，
因為當個waiter講完“豐富骨膠原”五個大字，如狼似虎ge女同事們已經張佢肢解左，
可憐ge魚絞，係我尚未提箸之前...................已經唔存在lu。
金枝辱葉話過，「要猜到主子的心思並唔係有咩本事。」Totally Agree~~~~
因為我今次真係唔知我老闆咩葫蘆賣咩藥，
竟然係尾段都仲有和牛做壓軸，
雖然唔肯定係邊一種和牛，但濃郁ge牛味、有咬口ge質感，
都已經食到成已經好飽ge嘩鬼都話要encore。
作為成餐飯ge尾聲，以夕張蜜瓜加配雲呢拿雪糕，真係wonderful~~
對老闆ge安排真係服到五體投地，
仲要D菜道道新奇，道道驚喜，
哩900ml ge男山，抵我ge~~
PS: 據有份夾錢手足講，原來間放題原本只係百零二百蚊一位，但老闆俾我辣一辣，打去叫餐廳那邊開左張每人500~600ge菜單出來，仲要講到明一行23人要夠飽夠食，嚇到要夾錢那班死。好彩last moment，都闆叫佢地只係夾原價，其他佢包底，否則打鑊我。原來有時要食好野，辣一竦老闆，話唔定有意外收獲。
張貼
