影片
更多
2023-01-22
52 瀏覽
餐廳設計簡約而且好光猛，牆上掛滿東南亞風景掛畫，裝潢好有懷舊南洋茶室feel。而食物選擇都唔少，特別係小食，花多眼亂呀。古仔路肉骨茶 - 細滲 （$88）入面配料好豐富，有一字骨、腩肉、豬手、雞腳、豬肚等食材，腩肉吸收咗湯汁好味，而豬手再腍身啲更正。😋個人幾喜歡呢度嘅肉骨茶，藥材味唔會好霸道好濃，係帶點甘甘地，完全唔苦，最開心係可以無限添refill肉骨茶，飲完覺得好養生，成個暖哂呀！❤️娘惹叻沙 （$68）呢個叻沙好足料好好味！食得出湯底滿滿椰醬濃香，同時帶少少辣。配料有蝦、魚片、蜆同豆卜等，個豆卜吸收哂湯底好正，而麵底亦可以選擇，我揀咗油麵溝米粉，口感再豐富啲。👍😋麥金小食拼盤 （$128）我相信小朋友應該會好喜歡呢個拼盤，全部都係香口炸物，入面有吉列大虎蝦、炸蠔、炸蝦餅、炸雞、滷肉卷及雞軟骨，個人最喜歡滷肉卷，炸完仍然好多肉汁，甜甜地幾好味，炸蝦餅都好彈牙。😉美祿恐龍 （$28）＆ 羅漢果菊花茶（$25）食馬來西亞菜點可以唔叫美祿恐龍，滿滿嘅美祿粉，雖然每次都會飲剩好多粉。而羅漢果菊花茶好潤好解渴，食完炸物同辣野飲啱哂。😋整體食物質素唔錯，店員亦好友善，仲會主動幫客人refill肉
古仔路肉骨茶 - 細滲 （$88）
入面配料好豐富，有一字骨、腩肉、豬手、雞腳、豬肚等食材，腩肉吸收咗湯汁好味，而豬手再腍身啲更正。😋
個人幾喜歡呢度嘅肉骨茶，藥材味唔會好霸道好濃，係帶點甘甘地，完全唔苦，最開心係可以無限添refill肉骨茶，飲完覺得好養生，成個暖哂呀！❤️
娘惹叻沙 （$68）
呢個叻沙好足料好好味！食得出湯底滿滿椰醬濃香，同時帶少少辣。配料有蝦、魚片、蜆同豆卜等，個豆卜吸收哂湯底好正，而麵底亦可以選擇，我揀咗油麵溝米粉，口感再豐富啲。👍😋
麥金小食拼盤 （$128）
我相信小朋友應該會好喜歡呢個拼盤，全部都係香口炸物，入面有吉列大虎蝦、炸蠔、炸蝦餅、炸雞、滷肉卷及雞軟骨，個人最喜歡滷肉卷，炸完仍然好多肉汁，甜甜地幾好味，炸蝦餅都好彈牙。😉
美祿恐龍 （$28）＆ 羅漢果菊花茶（$25）
食馬來西亞菜點可以唔叫美祿恐龍，滿滿嘅美祿粉，雖然每次都會飲剩好多粉。而羅漢果菊花茶好潤好解渴，食完炸物同辣野飲啱哂。😋
整體食物質素唔錯，店員亦好友善，仲會主動幫客人refill肉骨茶，like呀！餐廳仲有好多菜式都好吸引，有機會會再黎試下。❤️
張貼
