影片
更多
2019-05-21
47 瀏覽
Extremely finger licking by poaching the stuff into Sichuan Hot Pot!-天氣咁熱辣辣,行出街唔夠10分鐘就濕L哂,唉唔L驚,入去室內搵間火鍋店嘆住冷氣打個邊爐,咁就夠哂慢活態度啦!黎到亞士厘道呢條食街,搵左陣見到大大個招牌,比佢吸引左,落到地庫個環境相當闊落!成個餐廳風格都帶有古色古香👇📌強身松茸野菌湯x芫茜皮蛋湯 - $160(原價)👉 識食緊係嗌雙拼湯底啦,去到餐廳先知道原來而家做緊優惠,湯底半價或者8點半前埋單所有散嗌既材料都係7折(非套餐/酒水),我唔想食得咁chur,當然揀湯底半價啦!仲可以揀辣度!本人好鍾意食辣,但要就個朋友, BB辣就算了,湯底好滋補得黎又下火,岩哂我!▪ 紐西蘭羊肉片 - $44(半份)▪ 西班牙黑毛豬梅肉 - $64(半份)▪ 港式手切本地肥牛 - $188(半份)▪ 安格斯牛板腱 - $98(半份)▫ 大部份肉類材料都可以以半份落單,價錢亦會減半,原本餐廳做緊”盛肉系列”套餐,但我同個朋友就一向鍾意散叫,可以試自己鍾意食既!肉類果part我覺得整體唔錯既,最好食一定食手
-
天氣咁熱辣辣,行出街唔夠10分鐘就濕L哂,唉唔L驚,
入去室內搵間火鍋店嘆住冷氣打個邊爐,咁就夠哂慢活態度啦!
黎到亞士厘道呢條食街,搵左陣見到大大個招牌,比佢吸引左,
落到地庫個環境相當闊落!成個餐廳風格都帶有古色古香👇
📌強身松茸野菌湯x芫茜皮蛋湯 - $160(原價)
👉 識食緊係嗌雙拼湯底啦,去到餐廳先知道原來而家做緊優惠,湯底半價
或者8點半前埋單所有散嗌既材料都係7折(非套餐/酒水),我唔想食得咁chur,
當然揀湯底半價啦!仲可以揀辣度!本人好鍾意食辣,但要就個朋友, BB辣就算了,
湯底好滋補得黎又下火,岩哂我!
▪ 紐西蘭羊肉片 - $44(半份)
▪ 西班牙黑毛豬梅肉 - $64(半份)
▪ 港式手切本地肥牛 - $188(半份)
▪ 安格斯牛板腱 - $98(半份)
▫ 大部份肉類材料都可以以半份落單,價錢亦會減半,原本餐廳做緊”盛肉系列”
套餐,但我同個朋友就一向鍾意散叫,可以試自己鍾意食既!肉類果part我覺得
整體唔錯既,最好食一定食手切肥牛同牛板鍵呢D牛味好濃,肉質嫩滑,
灼幾秒保留返少少血,口感先係最正,另外豬肉好爽脆,建議盡量唔好碌太耐,
1分鐘左右就可以啦,羊肉片亦都無肉羶味,湯底清清地更加帶出肉既鮮味!
▪ 五色火鍋小籠包 - $88
▪ 芝心牛肉丸 - $27(半份)
▪ 手打牛丸 - $27(半份)
▫ 芝士牛肉丸都係手打既,分別只係裡面多左層流心既芝士餡,口感彈牙,非常邪惡!
五色小籠包係Staff重點推介話一定要試試,賣相做得精緻,包括原味,蟹粉味,黑松露味.芝士味同埋麻辣味,
外皮煙韌,裡面吸哂湯底精華!staff仲提點我地記得4分鐘就要撈起!
仲比左個計時器同圍裙我地tim!驚我著白色衫會彈到污糟!好細心!
另外對於酒鬼黎講,餐廳做緊超抵promotion,一座2L beer tower(1664)
都係賣緊$118,真係抵飲到喊出黎!最後埋單每人都係$400左右!一會再返黎!
張貼
