甜蜜蜜新生咖啡店 (已結業)

(14/2/09)我唔係鄧麗君fans,但係咖啡既FANS。知道呢度有台南古坑咖啡,突登來試試。老公一搵就搵到,其實o係新世界中心對面。人客少少,可能無乜野食卦,想要熱狗,店員話暫時未有供應。有真珠奶茶、亦有厚多士,不過覺得呢度,著重主題、有機新生,其實對食物不籲期望,只向咖啡進發。古坑咖啡$30,係齋啡o黎,炭燒味?咖啡口感頗為稀薄,唔知古坑咖啡係咁,定係品牌質素問題,我唔like law。維也納咖啡$25,上來一pat cream在面,不消數秒,溶化入咖啡當中,變成微微加左奶既咖啡,反而合我意,咖啡味香D先啦。不過老公見到溶左既cream,形成油面,如一碗湯喎...... -_-。即令人胃口盡減。雪化妝$25,睇過哪裡介紹,面頭那pat係有機豆腐+芝士,下層係猜碎蛋糕+栗子+忌廉,整體味道清清淡淡。「丁屎」咁多,試唔真,又唔滿足。把鬼!在金融海嘯下,在此貴格兼細件的地方,哪有動力吃個夠!?所以店員hard sell鄧麗君產品law。