士林棧 (已結業)

老友知我鍾意食台式牛肉麵，就介紹我黎呢間小店，佢話呢間小店味道比較正宗，今晚我就專情到此找一找，小店位於球場對面，好易搵，店舖用上原木枱櫈，更顯台式風味。先來一杯冰凍自家製秋梨飲 ，新鮮梨汁清涼潤喉，唔會太甜，好岩我口味！跟住叫左份牛家盛會，有牛脷、牛展、牛筋及牛肋條，牛筋入口即溶 ，牛脷炆到軟淋淋而且冇牛嘅騷味，牛展完全唔痴牙 ，原來小店大廚係用來自台灣的古法來炮製，堅持唔用添加味精 ，先至保留到肉嘅新鮮及原味，陽春麵配清湯，加上牛肉原本味道，真係食到唔停得口，完全感受到大廚係用心烹調。再來一碗落足料嘅藥膳四神茶 ，材料十足，內裏豬肚仲爽到"索索"聲，原來呢個湯係好適合我哋呢種食無定時，而且腸胃比較弱嘅都市人飲用。