古早牛肉麵 (已結業)

今日去完深水埗玩具街買board game諗住近近地搵間嘢食，就咁啱見到呢間台灣野，都有一段時間無食台灣野，又未有得去台灣旅行，即刻入去頂頂癮先。餐廳嘅設計都係木枱木凳，之前食幾間台灣野都係呢個設計，唔知係咪台灣餐廳嘅特色呢😂食物種類都叫幾豐富同埋價錢都幾實惠。我哋叫咗兩個主食同埋幾款小食。主食來講比較鍾意豬軟骨配湯麵，湯底都幾濃郁，豬軟骨亦都有幾舊，仲有個索曬湯底嘅蘿蔔🤤紅燒牛肉麻辣醬乾拌麵有啲青瓜一齊撈嚟食，成個感覺健康好多。除咗佢本身個醬之外，因為叫咗啲小食嘅汁好香，所以自己將小食嘅醬撈埋落個拌麵度，成個麵香口左好多😂小食都嗌左好幾款。每款味道都好唔錯，逐款講吓先。芝士蛋手抓捲餅。呢個一定要趁熱食，因為凍咗個皮就會冇咁脆架喇。咬落去個皮chap一聲好香口，唔會一食落口成口油嘅感覺。鍾意佢入面包左勁多椰菜絲，感覺健康好多，芝士配蛋呢個組合亦都理想地match，成個卷餅口感唔會好heavy，每人兩件好快清曬。麻辣牛肚絲。本人係一個牛肚狂，所以自己好鍾意食呢味小菜。啱先上面講話攞咗啲醬自己去撈個麵其中一個就係呢個，個醬好惹味，牛肚亦煮得啱啱好好易咬開🤤皮蛋豆腐。除咗啱先牛肚嗰醬之外呢個