大食代 (奧海城二期)

營業中

休息中

係奧海城Food court搵嘢食，咁啱想食台式嘢食，就嗌咗碗什錦麵套餐，價錢一般般，冇話特別抵食。 古早滷什錦麵套餐 $69成個麵有豬手、滷肉、豆腐、雞翼、冬菇、菜。分量真係唔可以話算多，做粗重工作嘅男人應該會唔夠飽，我諗佢嘅賣點係上菜速度快，同埋裏面有好多唔同嘅菜式。豬手幾大舊易咬，滷肉軟淋，雞肉都嫩。麵唔會煮得太淋，仲有少少彈性。成碗麵同啲餸菜嘅味道其實一模一樣，都係嗰陣滷水味，味道中規中矩，不過不失。