臺坊 (加拿分道) (已結業)

地點非常方便，位於加拿分道厚福街交界轉灣仔，佢店仔細細，一應俱全，飯、麵、小食、蛋餅、台式飲品都有。員工有禮，雖然係小店，但服務唔錯！上菜雖然快，但都係整叫即整熱辣辣架。充滿台灣小台風味！我叫左肉燥乾拌麵，再加$12飲黑糖蘆薈仙草凍，好抵食！肉燥乾拌麵- 熱辣辣，份量都幾多，仲有半隻滷水蛋，麵軟硬度適中，煙韌有咬口，我鍾意佢肉燥上面仲有啲榨菜粒，咁多左份爽脆口感，每條麵都掛到肉燥，淨食肉燥都唔會覺得鹹。黑糖蘆薈仙草凍- 黑糖味好出，夠香但又唔會太甜，仙草夠滑，有少少回甘，蘆薈爽脆。